BLINDGJENGAR

Sceneteksten "Blindgjengar" av Ole Henrik Risøy Solheim utforskar tema som einsemd, tilhøyrsle og blindskap til ein sjølv. Handlinga følgjer ein mann som bur på ein udefinert stad langt vekke frå andre. Ein dag møter han ein annan mann; eit møte som skal definere hans tryggleik og sjølvinnsikt. Gjennom ulike minner og situasjonar skildrar stykket kva det vil seie å vere menneske, kvifor nokon vel å dra og kvifor andre vel å bli. Målgruppa for sceneteksten er unge vaksne. Under opphaldet ved SEANSE var hovudfokuset å utforske karakterane gjennom ulike øvingar med og utan tekst, samt samtalar. Kunstnaropphaldet har, med innspel og inspirasjon frå både mentorar og utøvarar, gjort at materialet har utvikla seg betydeleg, og dei ser fram til vidare utvikling.